Jun 2017 – VKR

அஞ்சுகம் அன்றைக்கு அக்கினிப் பரிட்சையிலே

கொஞ்சமும் தீயாது கொணர்ந்தான்-பஞ்சத்தால்

நெஞ்சகம் நலிவுற்ற நெசவாளன் பழிகொண்டால்

பஞ்செனப் பற்றிடுமே பட்டு

 

குறிஞ்சியின் மணமே குறியென் றிருப்போர்க்கு

உறிஞ்சியும் ஊதியும் என்?

 

 

 

May 2017 – VKR

உழவருக்கு இரங்கல்:

பொய்யா மழையேன் பொய்வளையே சொல்வாயோ

உய்யா தினிமேல் ஓராண்டும் காய்வோமோ

நல்லாரே இல்லையோ நானிலத்தில் அதுகாறும்

எல்லோர்க்கும் பொய்க்குமோ மழை

 

கஞ்சக் கரனாகி கவிஞருக்கு ஈயாமல்

பஞ்சக் கரனானேன் பாரும்

 

அஞ்சுவது அஞ்சாமை பேதமை என்றெண்ணி

கொஞ்சம் நாணினேன் கொள்.

 

சிறப்பம்சம் தேடித் திரியும் குழுவினர்காள்

சீரிய கவிதையே சிறப்பு.

 

இட்டிலிக்குப் பட்டகடன் இத்தனை நன்றென்றால்

பட்டினி கிடப்பரோ பாரில்.

 

பஞ்சடைந்த காதில் பாதியேனும் விழுதற்கு

சொந்தங்கள் துதியாரோ நாமம்

 

 

 

 

 

 

Apr 2017 – VKR

தள்ளென்றார் மருத்துவரும் தாங்காது உமக்கினி

தள்ளென்றாள் இல்லாளும் தாத்தன் ஆகிவிட்டீர்

தள்ளென்றார் வரிசையிலே தடுக்காதீர் அடுத்தவரை

தள்ளாத வயதென்றால் தகுமோ?