SKC – Dec 21, 2015

ஆடை அணிகலன்

ஆசையை அழித்து உலக

மேடையில் நடிக்கும்

மோகம் ஒழித்து

ஓடையில் நீரென

உள்ளம் தெளிந்து

கூடையில் சென்ற கோபாலனை

கும்பிடுவ தெக்காலம்?

 

கருவான உயிரும்

தடம் மாறிப் போகும்

புரியாத நெஞ்சும்

திசை மாறிப் போகும்

உருவான உடலும்

உரு மாறிப் போகும்

சருகாய் இவ்வாழ்க்கை

அக்கணம் மாறிப் போகும்

எருவாய் என்னுள்

இறையருள் ஊட்டி

குருவே! கோவிந்தா! நீயெனைக்

கொள்வ தெக்காலம்?

 

உடையை உடுத்தி

முடியைத் திருத்தி

இடையில் என்னை

இன்புற இருத்தி

நடையைப் பழக்கி

நல்லறம் விளக்கி

தடையறத் தமிழின்

தனிச்சுவை ஊட்டி நான்

அடையும் புகழில்

ஆனந்தம் காட்டி

குடையின் நிழலாய்

குவலயம் தன்னில்

கடையேன் என்னைத் தன்

கருவில் இருத்தி

விடை தெரியாது

வெறுத்த இவ்வேளை

அடைகாத் தென்னை

அருளிய அன்னையை

படை ஆறுடையோன்

பரிந்து பேணலெக் காலம்?

Advertisements

Rali – Dec 20, 2015

ராலி க. நி. தெக்காலம்  #57

எல்லாம் அறிந்தாற் போல்

    கதை பேசுவார் ஒன்றும்

கல்லாது சாத்திரம் இகழ்ந்து

    ரைப்பார் ஒரு விவேகம்

இல்லாது அற்பமாய் வாழ்

    வாரை ராலி துறந்து விக்னம்

எல்லாம் உடைக்கும் ஏக

    தந்தனை எண்ணுவ தெக்காலம்?

 

ராலி க. நி. தெக்காலம்  #58

ஊரை எல்லாம் மேய்ந்து

    அற்ப சேதிகள் அறிந்து

யாரைப் பழகலாமாகாது

    எனும் தரமிலாது பழகி

பேரைக் கெடுத்துப் பிறவிப்

    பயன் அழித்திராது கங்கை

நீரை முடியில் கொண்டானை

    ராலி நினைப்ப தெக்காலம்?

Rali – Dec 18, 2015

ராலி க. நி. தெக்காலம்  #55

காணாதது கண்டாற் போல்

    பெய்தபெரும் பேய்மழை

பேணாதிருந்த ஏரிவழி யெல்லாம்

    உடைத்து எல்லாம்

வீணாய்ப் போக போதுமிதென

    நிறுத்திய பெண்ணோடு

ஆணாகிய பெம்மானை ராலி

    அண்டுவ தெக்காலம்?

 

ராலி க. நி. தெக்காலம்  #56

ஆதி காலப் பெரியோர்

    நற்சொல் துறந்து

சாதி ஏது என்று நம்

    சாத்திரச்சொல் மறுத்து

மீதி மனுநீதி வெறுத்து

    மூடனாய் வாழாது

ஆதி மூலம் அனந்தனை

    ராலி அண்டுவ தெக்காலம்?