Featured

Welcome

cropped-tamil2Welcome to ராலி & தமிழ் இன்பம் – a blog dedicated to original Tamil poetry written by members of a WhatsApp group with the same name, on Hindu devotional/religious topics, adhering to Tamil Poetry grammar as much as possible.

Guidelines followed by the members of this WhatsApp Group:
• Contributions should, for the most part, comply with Tamil Poetry Grammar(யாப்பிலக்கணம்)
• Original contributions only.
• No forwards
• Subject should be Hindu devotional/religious/philosophical
• In addition to original contributions, members can post one “படித்ததில் பிடித்தது” piece of poetry that they like. Such postings should be prefixed with the tag “#ப.பி” . Only one “#ப.பி” posting per day per member

Postings of members of the ராலி & தமிழ் இன்பம் WhatsApp group post will be reposted here.

If you are interested in contributing, you will have to become a member of the ராலி & தமிழ் இன்பம் WhatsApp group. To do so, please indicate so in a comment here.

Advertisements

Aug 2017 – Rali – Ekkalam

ராலி க. நி. தெக்காலம்  #457

இல்லாத நாளில்லை அப்பரம் பொருள்

செல்லாத இடமில்லை அப்பரம் பொருள்

அல்லாத தொன்றில்லை என மதிசூட

வல்லானை ராலி வழுத்துவ தெக்காலம்?

 

ராலி க. நி. தெக்காலம்  #458

விரியும்  உலகின் உள்ளிருந்தே எவர்க்கும்

தெரியா திருந்து தன்னில் தானே உவக்கும்

பெரியதோர் பொருளறிய மாலும் காணா

எரியானை ராலி  ஏத்துவ தெக்காலம்?

 

ராலி க. நி. தெக்காலம்  #459

தீயும் நீரும் விசும்பும் நிலமுமாய் தினம்

தேயும் வளரும் நிலவுமாய் தினம் உதித்து

மாயும் உயிராயுறை வதறிய ஆடல் நள்ளிருள்

பேயுடன் புரிவானை ராலி போற்றுவ தெக்காலம்?

 

ராலி க. நி. தெக்காலம்  #460

அன்றின் றெனாது என்றும் எங்கும்

சென்றும் காணாது மறைந்து என்றும்

நின்று காக்குமருளறிய தசமுகன் புயம்

வென்றானை ராலி வேண்டுவ தெக்காலம்?

 

ராலி க. நி. தெக்காலம்  #461

வாதம் செய்தறியாப் பொருள் ஆறங்க

வேதத்தினுள் உறை பொருள் வாரம் நாள்

மாதமென ஓடும் பொருளறிய தோடிடும்

காதனை ராலி கருதுவ தெக்காலம்?

 

ராலி க. நி. தெக்காலம்  #462

மெய்யான ஒரு பொருளாய் பாலுள்

நெய்யாய் உறை பொருளாய் ஏதும்

செய்யாது தன்னில் மகிழ் மூலமறிய

மையான கண்டனை ராலி கருதுவ தெக்காலம்?

 

 

Aug 2017 – Shanthi

பாதகம் நீக்கியே

சாதகம் அருளும்

மோதகக் கையானை

நமதகம் வைத்து

ஜகதலம் வாழ

வணங்கிடுவோமே

 

பஞ்சக்கரனை

நெஞ்சம் நெகிழ்ந்திட

வஞ்சனையின்றித்

தஞ்சம் புகுந்திட

விஞ்சிடும் அருளை

வழங்கிடுவானே

Aug 2017 – Ravindran

காணாமல் போனான் அருவமா யென் ஈசனே,

தூணாய்ப் பிழம்பாய்ச் சோதியாய் மாலயனுக் கன்றே,

தேனாய் என்றும் திகட்டா தினிப்பாய்,

ஊனிருந் துள்ளே,

வெளியே வானினு மேலாய் அருள்புரி வாய் ஆடுமென் அம்பலவாணனைக் காணீரோ,

திமிர்த் தக்கன் தலையறுத்த சொக்கன்,

திரிபுர மெரித்த பெரியோன்,

பிரமன் தலை கொய்த பரமன்,

அரிமாலரிய வொண்ணா கரித்தோல ணிந்த பரமன் செஞ்சடையோனைக் காணீரோ,

குடுமிநாதனின் மேனியி லூரு மரவ மதைக் காணீரோ,

விடத்தைய டக்கிய நீலகண்டத்தை,

காலனையு தைத்த நீள்கழல்களை,

காமனையெ ரித்த முக்கண்ணை,

கண்ணன் தன் கண்ணதனைப் பெற்ற கிழவனைக் காணீரோ,

மானொடு மழுவேந்திய வுமையுரு பாகனை,

நரியைப் பரியாக்கி பிட்டுக்கு மண்சுமந்து பிரம்படி வாங்கிய பிறவாப் பெரியோனைக் காணீரோ,

பாண்டியனுக்கே கால்மாறி யாடிய மதுரைக்கரசைக் காணீரோ,

அடியார்க்கு மடியான் அவனைக் காண தவமா யலைகிறேன் காலமெல்லாம்,

காட்சிதர மனமில்லை அவனுக்கே,

மனமிறங்குவாய் சிவ சிவா.